هدوء وسابق عاصفة - فاروق البحر

تحاچيني ولك منو انته
انه أصلك أشرّفه

مو خايف تشوفني ساكت
هدوء وسابق عاصفة

إذا احچي يجوز أغثك
وأعلمك الما تعرفه

خلّي اسكت هوايه أحسن
سكوتي خير المعرفة

عنودي وما تعرف طبعي
ميهمني شما طال عناد

انه الطبع البيّه يكفي
بس طبع البيّه ما ينراد

أصيل وماشي على طيبة
وما همني حچي الأحقاد

انته لو تعرفني تسكت
وتاخذ وضع الاستعداد

قبلك ناس هوايه تحرشت
وكلها الناس ما همتني

شوفتني هواي هالدنيا
أشكال ألوان كلشي راوتني

ومن طيبي علمت أيامي
وانه أيامي ما علمتني

ما غير أبقى على طبعي
من يوم ال أمي ولدتني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر