أصعب حدث

وسط .. السجا . لامن بك .. الفكر قد / فاح
بهِّر دلالك / واعتلي .. فوق .. رجمك

واسقِ نباتات ،،( الأمل ) حرفك .. قراح
لعلّها تروى / من أمطار ،، ( نظمك)

وارث الأدب / لامن.. لمحت ( الأدب) .. راح
أو يُنتحل .. لك ملك .. والوسم وسمك

تدري .. وش اللي .. عقّب هموم ..وجراح
يوم الخوي يبني .. مشاريع ب إسمك

ان جاتك .. سموم .. المخاسير .. ينزاح ؟!
وإذا لفاك ...الكسب ... يطمع بقسمك

واعظم ألم .. لاصابتك .. طعنة رماح
واللي سعت للطعن ..أعضاء جسمك

وأكبر ..غبن.. تظلم ... من أفكار.. لمّاح
فكره .. مضيّع .. بالمتاهات .. فهمك

ولجل الحزن .. مايسكنه .. قبل الأفراح
((تسكت)) تخاف النار تُشعل بحسمك

وأصعب حدث بالكون لاصرت ياصاح
تمشي بوسط الحربماتشوف(خصمك)؟!