فرقا الضحى

ورقاً شعيتيني بزيناالألحان
الله لا يجزاك بالخير ورقا

نحتي وغنيتي على خضر الأغصان
وزدتي حراق القلب تسعين حرقا

من سبتك هليتنا دمع الأعيان
لا من ذكرت اللي على القلب عرقا

أبو ثمان(ن) كنها حب رمان
والخد وضاح(ن) كما نور برقا

وشقر(ن) يغذيها بوردٍ وريحان
ونظرة عيون(ن) تسرق القلب سرقا

أعيش بين هموم وأفكار واحزان
والهاجس اللي يطرق القلب طرقا

من سبته عديت في راس مابان
صعبٍ على المشتاق نزله ومرقا

ولياطرالي حاجةٍ بعض الأحيان
صارت عيوني بأزرق الدمع غرقا

لاجا نهار(ن) فيه تفريق الأضعان
وحان الرحيل وجا وداعٍ وفرقا

فرقا الضحى تثر على الحال نقصان
لا شد ذا غربٍ وذولاك شرقا