منصب(ن) متقدم (ن) ماهوب توه

يا القصيد الجزل حنا بأنتضارك
حان مدح أهل الشجاعه والمروه

بالبيوت الوافيه حبيت أشارك
من ضمير(ن) للعلا سبحه ونوه

لبو عبد الله على المنصب نبارك
منصب(ن) متقدم (ن) ماهوب توه

أرثه عود(ن) لياجات المعارك
شيد البيت الكبير وشب ضوه

لين يظهر كل درك من المدارك
جمع لأعدا ماحسب كثره وشوه

وانت يا ظافر بطيبك واقتدارك
كل مجد(ن) عالي(ن) تسكن علوه

للعلوم الغانمة شبيت نارك
ياولد من بالوفا عرف وتفوه

ذاك أبوك اللي رفع زود اعتبارك
جامع دين وكرم وأيضا حموّه