اشهد ان البعد عن منهـو نجلـه - سعود الفطيماني

يابومقعد ودي اقضي العمر كله
محزمن لك ياحزامي فالشدايد

لكن امر الله وسيف الهجر سله
مالنا حيله عسى فالصبر عايد

لعنبو الفرقاء لعزيز ماتمله
والردي يبقى تشوف منه الزهايد

العزيز فالقلب ثابت في محله
مستحيل انساه كودالعمر بايد

لاتلوم العين في دمع" تهله
لابكيتك والبكاء مامنه فايد

الصديق الصادق الابيض سجله
مخلص" وافي على الطولات رايد

اشهد ان البعد عن منهو نجله
كني المرمى في نيران الوقايد

في امان الله وعنواني تدله
الوصل موروث ياراع العوايد

واطلبك ياخوك تمحي كل زله
ياكبير القوم للشجعان قايد

© 2024 - موقع الشعر