الخليج

نعمة الله في عباده جمعه حساس القلوب
ومن رضى ربي علينا كلنا روح وجسد
 
 
لو شكى فينا معنى أو تلقته الهبوب
يحضنه برداه ثاني كل ما قام وقعد
 
 
والأسم دولة عظيمة خيرها عم الكروب
في مشاعرنا أصالة من فضل فرد صمد
 
 
السعودي لو تغنى صفق عمان الطروب
والأمارات الحبيبة همها همه بعد
 
 
وبقطرنا وبالكويت والغلا في كل صوب
وشفت بحرين تهنى ولا دخل فينا أحد
 
 
ذا خليج الود دايم فيه حكام تنوب
عن بعضها والحقيقة ذكرهم همس ورعد
 
 
شفت أبو متعب حضنها بين صدر وبين ثوب
يا عسى كل المعزة في دروبه والسعد
 
 
ونتهض فيني معنى صدق ود له شبوب
لو عجز حرفي يجاري في خليجي مجتهد
 
 
ديننا دين المحبة ولا تفرقنا حروب
كلنا ديرة وعيلة بأسم من لأمره سجد
 
لا تقول أنك سعودي أو كويتي يا مهيوب
قطري بحريني أماراتي وعماني وجد
 
 
الأسم ما قد تحدد ودنا ما به شحوب
من حضارات توالت ويا عسى نبطي بعد
 
 
من عرفنا شاف فينا كل شيخ بالقلوب
يحضنه شعب توارث بالوفاء صدق العهد
 
 
لا جوازات وموانع لا أشارات وحزوب
تختلط فينا معاني حلوها طعم الشهد
 
 
تختلط فينا دمانا ولا نميز بالشروب
دام بالدنيا خليج سيرته برق ورعد
 
 
وفي ثرى نجد الحبيبة بصمة ما هي كذوب
للخليج اللي عشانه كلنا روح وجسد