سيف الطواله

يالله يامنشي خيال الغيومي
يالله ياعالم لمنهو سجد له

من بعد ذكرك يالرؤوف الرحومي
أبدي بقاف من ضميري محله

أمدح رجال من نسايل قرومي
شيوخ له فعول قديم تدله

لاحل ذكر معربين السلومي
سيف الطواله مكسب الطيب كله

شيخ وذكره طايل بالعلومي
من ساس قوم بالكرم عادتله

أبو نجم دايم بفعله يقومي
صميدع والطيب هو خصلتله

شجاع شبل من نسايل قرومي
المرجله هي والكرم ورثتله

له هيبتن عند الرجال محشومي
سيفه على المخطي يقوم ويسله

فيك الكرم والا الكرم لك يسومي
أخذت فعل الطيب يالذيب كله

زحزيح حر"ن" لشهامه جزومي
حلحيل واللي بالصعايب يحله

هذي عوايد كاسبين العلومي
واللي تردى فالردى عادتله

المرجله ماهي بلبس الهدومي
المرجله تلقاء فعول تدله

يخدعك بالصوره بليد"ن" شؤومي
نجس الفعول اللي ينجس محله

وآخرابياتي بالسلام مختومي
تقبلو تحيتي مختمله

تمت وصلوا عد صف النجومي
على الرسول اللي فلح من تبعله