سيف الطواله

يالله يامنشي خيال الغيومي
يالله ياعالم لمنهو سجد له

من بعد ذكرك يالرؤوف الرحومي
أبدي بقاف "ن"من ضميري محله

أمدح رجال بالوازم قرومي
شيوخ له فعول قديمه تدله

لاحل ذكر معربين السلومي
سيف الطوله ياخذ الطيب كله

شيخٍٍ وذكره طايل "ن" بالعلومي
من ساس قوم بالكرم عادتله

شجاع شبل من نسايل قرومي
المرجله هي والكرم ورثتله

له هيبتن عند الرجال محشومي
سيفه على المخطي يقوم ويسله

يفداك يالصقار نسل الرخومي
يلي فعولك طايله ما تذله

فيك الكرم والا الكرم لك يسومي
أخذت فعل الطيب يالذيب كله

زحزيح حر لشهامه جزومي
حلحيل واللي بالصعايب يحله

هذي عوايد كاسبين العلومي
واللي تردى فالردى عادتله

المرجله ماهي بلبس الهدومي
المرجله تلقاء فعول تدله

يخدعك بالصوره بليد"ن" شؤومي
نجس الفعول اللي ينجس محله

وآخر أبياتي بالسلام مختومي
وأرجي السموحه كان بالشعرزله

تمت وصلو عد صف النجومي
على الرسول اللي فلح من تبعله