مرثيه - سعود الفطيماني

يافكر عبر والقلم ..لك خدومي
لعل تطفي لاهب ثار بي اليوم

علم تلاشا عندهن العلومي
ولاينفع السامع تراديده اللوم

قفا عن الدنيا فؤاد رحومي
وعليه دمعي هل والصدر مكظوم

يالله ترحمها برجوى معدومي
يدعيك وعيونه تنكر له النوم

الطف بها والزم عليها الغيومي
في محشر محد عن الغير ملزوم

خلق تداحم لك بليا هدومي
تنعم لعبادك وعاصيك محروم

أموحدك وعدك يعيش محشومي
في جنة يبقى مخلد على الدوم

لاصار عمرها بليله يقومي
والحال من سوء المقادير مثلوم

والذنب في ذكره يضيق ويشومي
والخير في وجهه من الطهر مرسوم

والله أكبر جاليات الهمومي
يبشر لأهجها عن النار معصوم

ورغم المرض عبد يصلي ويصومي
وحلو النباء وعف وعن الشذب ملجوم

دنيا نعيش بها سواة الحلومي
يفطن له من كان للخير ملهوم

في طاعة الباري حريص يرومي
طامع بجناته ولها يرخص السوم

© 2024 - موقع الشعر