ياسر التويجري .. مع أصدق الود ..

..
 
 
اسمحولي يالحضور // شاعر ابداعه جديد..
شاعر ابداعه تفاخر .. يوم ياسر في جديده ..
 
 
يوم ياسر شوف عيني { ابتدا باجزل قصيد ..
جيت ارّتب في حروفي وابتدي معنى قصيده ..
 
 
الشعر لو كان ينطق قال : يا ياسر عتيد ..
الشعر لو كان ينطق قال : ياسر يا وليده ..
 
 
الشعر لو كان شخصٍ عايش بعمره وحيد..
لو درى عنّك يا ياسر كل يوم يعيش عيده ..
 
 
الشعر لو كان زرعٍ { ما يبي غيرك حصيد ..
والشعر لو كان ضلعٍ { ما يجي غيرك يحيده ..
 
 
لا تخاف من الزمان // وانت ابياتك رصيد ..
حتى تاريخ الشعر // فيك ب يزوّد رصيده ..
 
 
انت تاريخ الادب والفكر والراي السديد ..
وانت ابداع الشعر يوم تكتب في مُفيده ..
 
 
تاجك الشعر العتيد // يوم بابداعك يزيد ..
وتاجك الشعر الاصيل غير ياسر من يجيده ..
 
 
غير ياسر ما نبيه // بالحضور وبالقصيد ..
سجلّوله هالرساله وارسلوها في بِريده ..
 
 
واكتبوا بدر الرحيمي شاعر ٍ توّه جديد ..
شاعر ابداعه تفاخر يوم ياسر في جديده ..