لا تنازل للسفيهـ !!

عمّ الهدوء الأمكنة .. الكل واقف باحترام
اذا وصل اسم البدر .. لازم توقّف تحيّيه
 
 
 
ما هو كِبر والا غرور الفخر يوصلنا لزام
الفخر لازم دربنا .. حتى لو احنا ما نجيه
 
 
 
واذا على طاري الكلام ياكثر ماقالوا كلام
يا كثر ما قالوا بدر يا كثر ما يحكون فيه
 
 
 
واذا على طاري الملام ما همني كل الملام
واللي زعل يشرب بحر كيفه وكيفه يودّيه
 
 
 
من عادتي ما يهمني وما أعترف بالانتقام
معجم حياتي أنا " لا تنازل للسفيه "
 
 
 
قاموس دربي معتلي عالي علوّ العِظام
ما نفكّر بأمر ٍ سخيف حتى لو العالم عليه
 
 
 
يهمنا في وضعنا .. مبدأ حدود الالتزام
ويهمهم في وضعهم وشلون نقدر نجيه
 
 
 
بحلو الكلام وكذبهم والا رسايل بالغرام
أشوفهم من حكيهم بشتى الوسايل نبيه
 
 
 
يا شينهم ما يعرفون ان البدر عالي مقام
يا شينهم ما يفهمون ان السحابه تهتويه
 
 
 
يااصحابنا اهل الوفا منّا التحيّة والسلام
هذا ختام أبياتنا ..واللي بديته أنتهيه