يا هم اتبعني

يا صاحبي قلبي من البعد مجروح
جرح أليم و زاد فيني لهيبه

و اصبحت جثه هامده تفقد الروح
و اصبحت جرح ينتظر له طبيبه

جفت دموعي ثمّ جافاني النوح
و القلب شاكي يفتقد له حبيبه

ياللي غيابك طال زادت بي جروح
صدري من غيابك همومً تصيبه

ترى وجودك يجعل الصدر مشروح
وغار من صدري صدورً رحيبه

و بعد التوادع صرت إنسان مذبوح
مذبوح يا طعنة جنود الكتيبه

والصوت من كثر الرجى صار مبحوح
و الموت قال إن المنيه قريبه

يا صاحبي قلي من الوقت مصلوح
ما غير أعطانا البلا و المصيبه

يا هم انا بعطيك في بيت منصوح
نصيحة من ضيق صدري غريبه

يا هم أتبعني ترى أنت مسموح
معد بقى غيرك و طعنة عطيبه

وان كان تبغى القلب فالدرب مفتوح
أسكن فؤادي و اطعنه في لهيبه