رساله غريبه

جتني رساله غريبه ونشغل بالي
من بعد ماشفتها قلت الله الخيره

ماكنت متوقع التجريح من غالي
واللي قريته غريب وصعب تفسيره

القلب صابه ذهول وزاد غربالي
من صاحب في كلامه خان تعبريه

الظاهر انه تسمع هرج عذالي
حسبتها شرهة(ن)واثارها غيره

وش غيرة(ن)مالها لاول ولا تالي
ماغير تنهيتة(ن)في عرض تزفيره

ياصاحبي لاسمعت اهروج من قالي
فالظاهر ان باب ودك حان تسكيره

ماتدري اني عريب الجد والخالي
والصاحب انشيمه ونزيد تقديره

ومن ساء بالظن يجلس بالخلا الخالي
مانقبل العذر لو يلقي معاذيره

مادام قلبه سخيف وظامره خالي
فاالله كريم معي بيعيضني غيره

وارقامه اللي معي في وسط جوالي
بهدها هدة البرمان في طيره