ياعين دام أن السهر صار عاده
تبكين ودموعك هماليل ياعين
ياعين لو ادل درب السعاده
سقت القدم صوبه لو امشيه عامين
جرحك تجدد مايفيده ضماده
لو عالجوه من الاطباء ثلاثين
حتى ايش لو زرنا طبيب العياده
مايصرف علاجه على العسر واللين
الحب شخص (ن) ماعرفنا بلاده
ويزورنا فالعمر مره وثنتين
واليا وصل جاب الفرح والقراده
ويوقد من الفرحه شموع المحبين
احيان يرحل مايحقق مراده
ويترك معه بصمه على قلوب الاثنين
ويسيل دمع العين فوق الوساده
لامن ذكرت اللي مضى عند سالين
واحيان يبقى في شموخ وزياده
ولايمكن انه مع قسى وقته يلين
وان كان تبغى فالقصيد الإفاده
شف قيس مع ليلى على الزين والشين
هذا كلام اللي هوى الوقت زاده
دمعه على خده وطعنه بسكين

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر - بواسطة شركة المبرمجين