يلًي جوابك دايم تقول لبيه
لباك ولبى ضحكتٍ ماتخليك
لك ضحكتٍ زود الحلا هي تحليه
ويذوب فيهاقلب من هو يناديك
وتجذب لها شخصٍ من العام طاويه
هم الليال الي قمرها يداريك
يسري معك وجروح الأيام تكويه
لأقرب طريق فيه حبه يوديك
يسوقه الخافق عليه ويراعيه
لجل انه يشوف الغلا في مباديك
وتخلف مساره عكس ماكان ماشيه
وتصد عنًه دون يعرف مواريك
وتاخذ من اوجاع الزمان وبلاويه
مانزل الدمعه على خد مغليك
وياليت حبك له محاكم وانااشكيه
بس ان قلبي مايطاوعني اشكيك
يدعيك لجل اللي بخاطره تمحيه
ويلقى ظلام الليل بالهم كاسيك
ويفتح كتاب الي بها الود شاريه
ويلقى كلامٍ فيه يحيي اراضيك
ويسقي نباتٍ من زمانٍ مخليه
قلبك بسبة ماسكن من تغليك
واليوم انا وياك والهم قافيه
حب القلوب اللي بها الشوق داعيك
ولو جيت باشبه على وجه تشبيه
ماظنتي بأن القمر راح يكفيك
لأنك غلات القلب والقلب يحييه
لا قلتله لبيه لبيه لافيك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
الوقت المطلوب للقراءة
دقيقة و 49 ثانية
© 2019 - موقع الشعر - بواسطة شركة المبرمجين