شقر الجدايل - كديميس السيحاني

اسرجي حرف القصيد اللي حصدت زروعة
قبل لا تذبل ورود وتستثير شجوني

ليه تقصر خطوتك في الوصل يالدلوعة
اطرقي باب الضلوع وتسمعين لحوني

لا يطول بنا المسير ويكثرن فروعه
في متاهة طرقته كم قبلنا يشكوني

و أوقدي شمعة غرام الفتنة الممنوعة
و ضوي الليل الطويل ويسهرن عيوني

و انثري شقر الجدايل بالرقص مشفوعة
و اعزفي ناي الدلال لخاطر المفتوني

خف دم وثقل عقل ليا تمازج فوعه
عطره الفواح في كلمة حياء بالهوني

كلمةٌ بيني وبينك في الخفا مسموعة
تستثير حروف شعري جمرة لغليوني

يوم معك القلب قفى معلنٌ لك طوعه
استحليتي محله تنظمين فنوني

مسكنك في وسط صدري والسياج ضلوعه
ما قدر يردع غلاك وصار لك مديوني

صرتي إلهام المشاعر ياضماه وجوعه
تستبيحينه تغلي لو تزيد غبوني ؟

يا سماء نجد وجبال حجاز في مشروعه
في التضاريس العجيبه بيّح المكنوني

كان للشاعر جنون الهام في موضوعه
شاعرك عاقل و موضوعك يثير جنوني

طال بي طرد السراب وشح في قرطوعه
لين عشقه سار مع دمي ولا يدروني

© 2022 - موقع الشعر