محاوره مع الشاعر مبارك بن علي بن بلال اليامي

( الامير )
عسا الله يجيب الورد والمسك والريحان
على شان اشوف الناس في كل موالي
اشوف الدهر قاسي وانا دايمٍ ٍ زعلان
وهاذي حياة الناس راحل ونزالي
 
( مبارك )
عسا الله يجيب الخير ويجمع الشتان
ولا يفرح الشامت ولا يرخص الغالي
يا بحر الندى ضد العدا مكرم الضيفان
طويل الذراع امعرب الجد والخالي
 
( الامير )
صديقك ليا شفته تغير كما العدوان
ولابه رجل وافي على كل رجالي
انا بنشدك عن فارسٍ يتعب الفرسان
تغيب عن الاوطان والوقت ميالي
 
( مبارك )
صديقك وفي ٍ لك وتلجالك العربان
ليا صار فالشدات طيب وبطالي
ابلغك عنه دايمن يقهر العدوان
بمتعب ومتعب شاربن كل فنجالي
 
( الامير )
صديقي علامه ما يكلم على الصدقان
وياخذ علوم الناس والعلم يبرالي
يقولون به مشكل وانا فارسٍ عطشان
ليا كبرت الهيجا يجي الارض زلزالي
 
( مبارك )
لك الحق تشره وانت مثل الجمل زومان
بدونك دلي العد تضرب على الجالي
ولا ياخذ الوافي عن اهل الوفا نسيان
ياطيب النوايا لو نشكك بالاعمالي
 
( الامير )
عسى الله يوفقني وينقضي على الشيطان
على شان ما يفسد على الصاحب الغالي