فـاقـد قـلـوب - عبدالعزيز السبيّل

قوم ياليل عجّل لايطول الغروب
لوّ ماطاب ل.. جفون العيون / السهر

بس تدري وش اللي حدني ل.. الهروب
ودّي اسمع ب.. صدّك ( ياصباح الطهر ) ,

فاقدٍ قلب لا والله ( فاقد قلوب )
مادرت ( ساعه ب.. هجر الحبايب / شهر ) !

كيف لاضقت ب.. الفرقا تغيب الدروب
وكيف يبخل على العطشان / ماي النهر ؟

وكيف ابنسى وانا اللي لاصدفت الهبوب
يطري العود , لامن مال معه الزهر !

من حلاها لو ( الشاهي تذوقه / تذوب )
ومن غلاها لو ( أبنسى ) يبيلي دهر !

ولو هجر الحبايب عن حبيبي , يتوب
كان قدمت ( دمعي / ل.. المواصل , مهر )

اسرفت ب.. الدموع وب.. الجفا والذنوب
كنّها تقول :- ( عينك ماوراها ظهر ) !!

وانت ياليل وينك لايطول الغروب
مابقى شي من قو الجفا ماظهر

غير حاجه ب.. صوب وكل حاجه ب.. صوب
( البلا , والغريبه , والعجب , والقهر ) :

كل ماجتني الضيقه / نصيت الدروب
ولادريت إلا انا ياليل ( وسط الظهر ) !!

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر