أنا بقلبك نازل ولاني برحال
أقولها لك صدق ماقلتها زور
ياللي خذيت البال مانطري بالبال
ومتى ظلايم دنيتي تشتعل نور
أزعجتني مابين حل ٍ وترحال
حتى طيوفك ساكنه داخل الدور
كذاب أنا لو قلت عن صحتي عال
من وين عال وحنا هاجر ومهجور
الحال من بعدك ياريمه ماهو بحال
أضحك وأجامل وداخلي إنسان مقهور
الحزن يكبر داخلي والهجر طال
وأنا بصدري هم ٍ وبور ٍ وجور
ياريم لك قلبي ملكتيه بلحال
حافظ غلاتك داخلي محصنه سور
وش السبب لامشيتي بوادي ٍ سال
وتمطر لك المزن وتنبت لك زهور
ياريم خفي يافريده بالخصال
ياناعسه يافاتنه ياوصف حور
متى أشوفك لابسه أحمر الشال
وبريقع ٍ أسود وفعيوني بهور
تقول شيخة قوم وبجنبها خال
ولا كما شيهانةٍ ناويه شرور
ياريم ابي كفي تملا بفنجال
دلة غلا ولهيلها فوح ٍ وفور
يالله جب لي ريم ياربنا العال
تفرح قليبي وتخليني مسرور
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.