دخيلك لا تحاسبني

دخيلك لا تحاسبني على وقت ٍ مضى لي فات
زمن اقفى .. وانا مثله هجرت ارضه وسكّانه ..!

دخيلك لا تعاتبني على صدقي معك ب الذّات
انا قلبي كتاب ابيض .. كتبت الصدق عنوانه ..!

انا والله يا شاريني .. مرتني كثير اصوات
كثير قلوب شفقانه .. ل نبع الحب ظميانه ..!

وهي لحظة غلاها يوم .. محبتها عشر كلمات
ولا تتعب .. ولا تتهتم .. هواها سهل نسيانه ..!

حرام إنسان مثلك يوم .. يمر ف دنيتي بسكات
تضيع ايامي ف قربه .. وهم .. وخداع .. وخيانه ..!

انا عيبي ما اعرف اكذب .. بها الدنيا ولو لحظات
وضوحي طبع في كل شي .. كسبت او كنت خسرانه ..!

يشرفني معاك اليوم .. احيّيْ اللي بقلبي مات
معاك ابدى جديد العمر .. وانسى بقربك احزانه ..!

معاك اليوم يا الغالي انا قلبي معك بذّات
آمانه معك .. يا روح المناير .. معك آمانه ..!