وآشيب عيني من اللي شفت ياهايف

وآشيب عيني من اللي شفت ياهايف
اشوف شي(ن)يهول العقل توصيفه

ناس(ن) بهذا الزمن مافيهم الرايف
ومن ذا الزمن صابني يا صاحبي خيفه

امسي ونا خايف(ن)وصبح ونا خايف
من وقتنا الي كثيرات(ن) صواديفه

لامن صفالي منيف(ن)ماصفا نايف
عجزت اميز شتا ذا الوقت من صيفه

واللي عماء صار في هذا الزمن شايف
واللي يشوف انعماء ولاعاد له شيفه

احد(ن) ادياره دهر ويحوفها الحايف
واحدن ادياره اغيوم ودايم امريفه

واحدن بنا منزله في قمت النايف
رام المعالي ويكرم جاره وضيفه

وحد(ن) بنا منزله فالواطي وعايف
فعل المراجل ونفسه دايم اضعيفه

فالله يقطع صبي(ن)دايم(ن)شايف
نفسه ويزعل ليا زادت مصاريفه

اليا سكن ذا بعرر بسكن الطايف
ببعد ويبعد وكل(ن) يمشي ابكيفه

وسوج القدم وسط دار(ن) نبتها زايف
وخوة شجاع(ن) تشرفني مواقيفه

تجلى اهمومي وتفتح باب(ن) امسايف
سايف به الوقت من كثرت عواصيفه