مـُـ ع ـجبــــة

قالوا ترآها معجبة في بدر وابياته كثير
قلت اسألوها وش تبي .. قالت لهم وينه أبيه
 
جتني وقالت يابدر : والله احساسك خطير
قلت اسمعيني وافهمي واحساس قلبي اتركيه
 
قالت : فديتك يالغلا تسمح أنآديلك ( أمير )
أنت الأمير بنآظري .. ومافيه غيرك أهتويه
 
قلت : وبعد/ قالت : أبد ياليت تسمحلي أطير
ترآي طرت من الفرح في شوفة اللي ارتجيه
 
قلت : الحلا قالت : أنا / قلت : الغلا قالت : يصير
مادام حبّك ابتدآ .. في خآطري مآ أنتهيه
 
قلت : البدر قالت : ضوى قلت : وأنا قالت : كبير
قلت : الشبه ؟ قالت : كثير قلت : العفو مالي شبيه
 
قالت : هوآي . قلت : شبلآه .. قالت : مصير
قلت : الهوى شوفي هوى ( ياليتني ما أبتديه )
 
قالت : قهر . قلت : القهر لو تعرفي معنى الحصير
قالت : فقر . قلت : الفقر عآش بأوآدم مآ تبيه
 
قالت : هنا موضوعنا .. وشلون لاحساسك أثير
قلت : وهنا موضوعنا ( الكون وشلون أحتويه )
 
قالت : بشِعرك يآ بدر حسّيت بقلوب الكثير
قلت : القلوب احسآسهآ سآير على ما تشتهيه
 
وان كآن قلبك يآ قمر حسّ بمعآنآة الأمير
قولي البدر والاّ بدر ( ضاعت حروفه في يديه )