غالي حنانك. لـ عبدالله مبارك الردعان

غالي حنانك - عبدالله مبارك الردعان

ياواهب المحتاج غالي حنانك
مغليك لو كان الشقا منك مغليك

في غيبتك دورت واحد مكانك
ابغى التسلي مير زاد الولع فيك

ماخانك الخافق ولايوم خانك
لو كنت مع غيرك سمعته يناديك

سوالفك ضحكات شفت زمانك
تطريك عندي وين مارحت تطريك

محدن معوضني حلاوة لسانك
واحساسك اللي عن هوى الغير مكفيك

رديت لي حبك وقلبك ضمانك
ورديت لك في غالي العمر شاريك

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.