لذيذ الدمع - بدر ال شافي

رذاذ الدمع ولا قل لذيد الدمع يالولهان
مواريد الشقا تبني مسافاتي ودمعاتي

خذيت من الشقا طبعي وترجمت العذاب ألوان
تجمهر حزني الصادق وبادلته بعبراتي

رحمك الله ياظلم المدامع والصبر عنوان
سرقت النوم عن جفني وصرت الحلم وسكاتي

يسود الصمت ميقاف الظنون ويرسل الحرمان
وأعاند قسوة ايام الدهر لأجل أظهر أبياتي

شعور الهايم اللي ماتبعثر وأتلف الوجدان
رقا طيفه على حد الحنين اللي بنى ذاتي

حبيبي والزعل سبه وعثرات الزمن برهان
تمكن ماترك حبل القصيد .. وثورة آهاتي

ترى لولا الغلا مارسل حروف الود للنسيان
ولا جيت اهدي انفاس الشعور وطيب نياتي

جنون الشوق من طيب وصحاوة فكر وإستبيان
ومجد العطف من صادق وفاي وطيب هقواتي

مسافر للسراب اللي بنى وأدمن على الهجران
ومبعد للسكون اللي تمنى يشوف ضحكاتي

يموت الحب لكن الليالي قلبها مليان
ويحيى الليل في كامل شموخه بإسم كلماتي

دفنت اغلى عبارات الصراحه والعتب غفران
وبنيت أطيب مشاوير السكوت بريح نفحاتي

لذيذ الدمع ياقصه ربت في خاطر الولهان
تجمهر حزنها الغالي وعاش بداخل ابياتي

© 2024 - موقع الشعر