إللي بصبـره تحلى - همسة عنا

ردّ القصيده عنها ما تخلّى
أدوّر المعنى الجزْل في طروقي

أختار كِلِّ إللي على البال يحلّى
أجاري إللي بالمعاني يسوقي

خالد مهندس كل معنى تغلّى
عبره وحكمه والخواطر تروقي

الشِّعر هِبه من عظيمٍ تعلّى
إللي خلق شمسٍ تبثّ الشّروقي

أقولها إللي بصبره تحلّى
راز القوافي في جميع الطّروقي

وإللي تغلّى في المحبّه يخلّى
حيث الظّماير من شقاها تعوقي

نصيحتي لك لافي الهوى لا تِسلّى
الحب ينبض في جميع العروقي

عسى الهموم إللي بقلبك تجلّى
وتعيش في نعمة ارعود وبروقي

واختم قصيدي فوق نجمٍ تعلّى
وكل المعاني في قصيدي تفوقي

© 2024 - موقع الشعر