غنائية ( وأقول أنا وشهو العنا )

دمعة عنا .. تفرض علي لون ألوّن الهنا
فيها عذاب أللي مضى
ومنها يضيق فيني الفضا
 
***
 
إذا ذكرت .. إنّك حبيب
تمر في روحي .. غريب
في شاطي الّذكرى .. أرجّع أحلامي عنا
 
***
تمّرني السّاعه .. وأقول
باكر يجي .. عيد الوصول
أبنتظر .. طول العمر
لو ما بقى فيني عمر
يمكن من الغيمه تجي
ويطيب لي معك الحكي
وأقول أنا .. وشهو العنا
 
***
وأرحل .. على متن السّحاب
وأنسى .. مواعيد العذاب
وأنت معي .. في ناظري في خاطري وفي رحلتي
أضم أول فرحتي في دنيتي
وأقول أنا .. وشهو العنا
 
***
وعلى نهايات .. الحزن
ألقى أنا .. لقلبي وطن
ولضلوعي .. دفى وحضن
وينبت ربيع .. بعذب المزن
 
***
ومعك .. بتحلى أيام الهنا
تسابقني .. وأسابقك .. بالعطا
وأقول أنا .. وشهو العنا