الحِـب يَصـرِخ

نظرة عيونك مالها غير معنا
إنّك تعيش الحب في مرحلة خوف

ودّك تخفّيها بلحظة وَلَعنا
وِلِّى تغيّرها على نظرة الشّوف

أدري ولكن وش نهاية وَضعَنا
الكل مَنّا يِخفي الحِب في الجوف

مهما نِخفي حبّنا ما استطعنا
كلٍّ يعاني في الهوى شبه مكشوف

والحب يصرخ بيننا إلا اجتمعنا
ودّه يعاتبني على الصّمت ملهوف

قلبي معك يا نور عيني تِعنّا
متى تصارحني عن الحب بحروف

دام الهوى في قلوبنا مامنعنا
عن المحبّه ليه نخلق لنا ظروف