سالفة غدري " وحيد إحساس "

اسامر ليل .. يضنيني به المسرى ..
واصاحب ناس .. في المعنى .. معَ سيري

يفاجأني صديقي بْطعنة الغدرا
وافاجئ طعنته .. بوْفاي معْ غيري ..!

معه قيصر .. وانا اْبْدا ً ما معي كسرى
اكف الشر .. ما يلقى سوى خيري

ومن ينشد : علوم الدمعه الحمرا ..؟!
ليا طاحت .. في كلماتي وتعبيري ..

اقول الجرح .. باذن الله ترى يبرى ..
هو الحاكم .. بتشريعي .. وتفكيري ..

وحيد احساس .. من خانتني القمرا
عذول الحب .. ذبح فرحة جماهيري

وعلّمها .. تخون احساسي وْ تقرا
قصايد شيطنتها .. بعْد تكفيري ..!

وانا سيل ٍ عشق واديه والمجرى
ولو خانو مباديّي .. وتقديري ..!

مسيري يوم .. احب الطفله العذرى
وأنسى سالفة غدري .. وتعزيري

ابي طفله تزيل عْلوم هالذكرى
ابي طفله تجي لابْعد مشاويري

واذا جتني بعلّمها .. معَ المسرى
حكاية غدرتي .. وتْصون لي سيري