تهب الرياح - محمد بن زميع البشري

تهب الرياح العاتيه ماتهز جبال
وصدر الفضا واسع وصدري مثل صدره

وكثر الحكي مايأثر ان جا بدون افعال
وكل(ن) على ماقيل يعرف حجم قدره

وبعض العرب كالشجرة اللي بدون ضلال
وبعض العرب خيرة كما شجرة السدره

وبعض العرب لاش(ن) ولو لابته ابطال
وبه وافي(ن) لو ربعه وجيههم ودره

ومن حبك بيسقيك من ماء عذب وزلال
ومن شنيك بيسقيك شي(ن) به الكدره

انا شلت حمل(ن) كايد(ن) حمل له باحتال
ولايقدره هامل ومن ليس له قدره

وبمشي على دربي ولاهمني عيال
واغم العدو وازود جدري على جدره

© 2024 - موقع الشعر