نسمات العليل ابتهاجه

دار الهواء فوق الشجر بندراجه
وأنا هجوسي تتبعه كل ماراج

القلب نسمات العليل ابتهاجه
والفكر خلته الدواكيك مسهاج

فجٍٍ خلا لاضاق صدرك علاجه
يغنيك عن بعض المجالس والازعاج

سحابة البارح قفتها عجاجه
يلعبها صلف الهواء مثل الامواج

هبت هبوب مدورين اللجاجه
يفرح بزلة صاحبه كل هراج

من غير سبه عاقدٍ لك حجاجه
لو إن ماله مع هل الطيب منهاج

اثر العوج دايم يحب العواجه
لو ينعدل يرجع لساسه وينعاج

ما يستوي طعم القراح وهماجه
ولا يستوي نقع الصفا مثل هداج

الله ولا منة محسب خراجه
شين اللغا ومن البطر لابس تاج

والله ما يذبحك يا كود حاجه
لاصار في وجهك حيا وانت محتاج

بالعسر يسر وللهموم انفراجه
يجيلها من والي العرش مخراج

ارفع يدينك للسما ثم ناجه
يظهرك لودونك شرابيك واسياج