يا أهل العقول الرشيده - فلاح بن حبيان العجمي

عقلي غدى يا أهل العقول الرشيده
في ليلة الجمعة تعومست يا خوان

اكتب يكاتب واطبعي يا جريدة
أقبلت متضايق وقفيت خسران

يوم الخميس وكن صدري وقيده
راسي تطابخ وازرق الدمع هتان

عز الله ان دمي نشف في وريده
وعز الله ان الوقت يا ناس خوّان

لا والله اللي راح منا فقيده
ويا ناصر اقفى شايب الطيب حقان

الشايب اللي فالملاقى وليده
إن جيت في ميدان ولا بديوان

شفراه تقطر يا رياجيل بيده
وبيته لعكفان الأشانيب عنوان

كريم وأخلاق وصفاته حميده
وعودن يقلط للمسايير قعدان

ويا ناصر ومحسن وأخيه وعضيده
وابطلب التومان من قلب ولسان

وتكفون يالعجمان واهل العقيده
وبزهم على عدنان وآلاد قحطان

ادعوا لربن يستجيب لعبيده
عساه له في جنة الخلد مسكان

© 2022 - موقع الشعر