دام القوافي من رصيدي والمعاني من ذهب
بصوغها والي عقد روس الحبال يحلها
ودام اللسان افصح من حدود البلاغه والادب
مايهتني لي بال لين اقطف خلاصه فلها
ياهاجسي طلبت رجال وقال تبشر فالشبب
معك معك يا صاحبي حد السيوف وسلها
مايرتكي للمعضلات الا الشنب ولد الشنب
صميدعن حاز الظفاره والمراجل كلها
والصاحب الي شايفن نفسه علي بلا سبب
عن خوته يغنيني الله والدروب ادلها
بركب على بنت العبيه او على بنت السكب
واطلق عنان اللي ليا من صحت تسبق ظلها
قاصد بها دار الرجال الي يفكون النشب
أمزبنه من ضاقت البيدا عليه وملها
ديرة بني عمي هل الوقفات والسيف الحدب
فزعاتهم تشفي قلوبن زاد فيها غلها
من عهد نوح وعهد عاد وقبل عهد ابو لهب
لليوم والرايات فوق ولاحدن يا صلها
يوم انها فالسيف ودمي الاوادم للركب
قدنا الجيوش الي تدك خصومنا وتذلها
كم واحدن هاقي بنفسه هقوتن مير انكب
كم راس شيخ وكم هنوفن ماهتنت في خلها
سدنا ولاكن الزمن من فعلنا مل وتعب
وابادنا الله رحمة للارض مانحتلها
واللي بقا منا يسد النوب وفحال الغضب
يضرب بيمناه الجبال الراسيه ويهلها
عدوان ياعز العرب عدوان ياروس العرب
الله فرق بين الخلايق دقها من جلها
تاريخنا واضح ولا يقبل بتخليط النسب
االجد واحد والفروع مفرعه وندلها
بصماتنا بأرض الحجاز موثقه فام الكتب
وديارنا الطايف وركبه والسحاب يعلها
واليوم من دار الرطب مدري من ديار العنب
ناسن تسمت فسمنا لابد مانفطلها
ياخي لو انا قد سكنا القدس ولا في حلب
نذرن على رقبتي ياشارون النذل مااحتلها
ياعزوتي قولا و يعيش لساني اللي ماكذب
كاني قدرت بهمتي اقطف خلاصه فلها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين