يارب يارحمن طالبك الصبر

يارب يا رحمن طالبك الصبر
لاماتت البسمه على بيض الوجيه

لا ضاق صدري ظلم والموقف غبر
واللي تبيه يصد لوانك تبيه

ابي الخبر لكن ما عندي خبر
ابليس حاسمها ونفّذها السفيه

يالله تساعدني وأنا ما بي كبر
أنا بشر يوم البشر ماله شبيه

لا صار ابووجهين قايسك الشبر
له وجه مستصنع وله وجهٍ كريه

دمه محلل من طبيب المختبر
ما به من أهل الجاه والعرض النزيه

ان شافني من جمله الناس انثبر
لانه يعرف الصفحة اللي جات فيه

وانا من الدنيا تعلّمت العبر
ومسلم بشرع الله وخادم والديه

لزوم اسايرها قبل يوم القبر
والآخره كلٍ يجازي ما عليه

وش حدني غير الكتابه بالحبر
إلا بني آدم وما تفعل يديه