(.. الممطره .. في الإنسكاب ..) - سيف الخالدي

حزين كثر الأرض .. وانفاسي سما ..
واسكبْك .. وعيوني تشابه للسحاب ..!

اسكبْك .. لكنّك تفجّرني دما
وارقبْك .. مثل اللي على روس الهضاب

آصيح لك .. وآشوف لوّ انّي عمى ..
اتأمّلك.. والقاك لوّ بْإرتياب

آسولفك .. لليل عن كثر الضمى
وآغار كثر الشيب .. لو اني شباب ..!

يا حظ طفْل ٍ في ضلوعك إحتمى
كنّه أنا .. يوم الوصل .. يا اقْسى غياب

يا ليتني ويّاه في نفس الحمى ..
والقى الحنان اللي ينسّيني العذاب ..

ودّي ليا من صحت .. واحساسي هما
نعزف أغاني (الممطره في الإنسكاب) ..!

أو ليت أتبادل معه .. (اللي انتمى
في داخلك) .. وانساك تفسير الكتاب ..

(أستغفر الله) حالتي دونك كما ..
حال اليتيم .. اللي تولّوه القراب

مجروح .. وانزف لك أحاسيسي .. دما
والجرح .. لا والله كذبت .. إن قلت : طاب ..!!

© 2024 - موقع الشعر