أسكر بذكرك

لـ راشد بالكندي، ، في غير مُحدد، 1،145

أسكر بذكرك - راشد بالكندي

أسكر بذكرك يا حبيبي ولافيق
واسري بطيفك دون كل الخلايق

ون فقت شفتك في ربوع المعاليق
كن العروق النابضه لك طرايق

يا تاج حسن المترفات الغرانيق
يالفايق اللي كل ما فيك فايق

في محجر اعيونك سيوف ٍ بواريق
لي سلهمة تدعي الرفايق فرايق

وثمان در ٍ لا كظام ومفارق
وريق ٍ يخلي ضايق البال رايق

وخد ٍ أرق امن الزهور الموارق
منه العبيق وسر باقي العبايق

وانت العشيق اللي على ذوقي اتليق
وغيرك حشى ماهوب لايق وذايق

أطيق حكم اعدام لا كن ماطيق
بعدك ورب البيت عني دقايق

ون اعذلوني عن غرامك مطافيق
البحر ما يسمع صياح الغرايق

مادام تربطني بعهود و مواثيق
بيبان صدري فوجه غيرك غلايق

ولو لاك ماغنيت عذب الطواريق
ولا صارت أحلام المحبه حقايق

ولنزاح عني الحزن والهم والضيق
ولا نام طرف ٍ قبل لقياك فايق

© 2024 - موقع الشعر