حنا أفامينا يا بنت - راشد بالكندي

حنا أثامينا يابنت الله خلقها للقصيد
ولا أثامي غيرنا خلقت عشان إبطونها

الشعر شريان الأدب والنحو للشاعر وريد
نملك قريحه ناضجه ما ينقصا مخزونها

والقاف ياللي نكتبه لو لحنه عبدالمجيد
غنابه القمري طرب في عاليات إغصونها

تشهد على أشعارنا ناس ٍ لهم راي ٍ سديد
صعب ٍ على مثلج ترى يفهم خفا مكنونها

شاعر وناقد والأدب قضيتبه عمر ٍ مديد
عندي القصايد شامخه ومشيدات إحصونها

أبحر بحور ٍ طاميه طوفانها طبعه عنيد
ماكل من هو غاصاها ياتي بغالي جونها

يابنت مالى بنظرتج لى نضرت ٍ تبعد بعيد
عن حد نظرات العيون اللي عميت إعيونها

وبجاه من هو خالقج مارد من دونج وحيد
يالين منهي سالفه بعض العرب يطرونها

وانا أحيد اللي تعلم فالمدارس يستفيد
وخاف ناس ٍ تنتظر باكر تخيب إضنونها

إخذي كلامي وفهمي العذر ما ضني يفيد
يا آنسه يادارسه معنى الكتب مضمونها

السبت عندج إمتحان لازم تحفضين النشيد
وتميزين القارعه والوزن في ملحونها

واللفظ لازم ينفهم ما ريدها تصبح عصيد
لا تكسرين القافيه وتغيرين إوزونها

الفرق واضح ميزي ما بين زيد وبين زيِِد
ومعنى القصايد بينه شداتها وسكونها

لو للشعر قاضي قضاه إنكان رحتي في حديد
ياللي تبنين البيوت وتهدمين إركونها

© 2024 - موقع الشعر