(باب الأمل)... - غربي بن غلاب

قلي على باب الأمل كيف بلقاك
و قلي على باب الأمل لا لقيتك

إن الغلا و الشوق بعدي تولاك
والجرح عشته عنك وأنا فديتك

دموع عيني مالها عذر وياك
ألا بكى قلب ن بكاني بكيتك

ودموع عينك شفتها روح تنخاك
على ضلوع قالت البيت بيتك

جرحتني والجرح ماظن يخفاك
جرح الفراق اذا شكيته شكيتك

السهر والحرمان واشجان وادراك
وعلى ضما روحي كتبتك قريتك

لا تحسب غيابك ليا غبت بنساك
بالله لا يطري لقلبك نسيتك

اشوفك غيوم تباكت على ماك
وانتي اوكسجيني والنفس لابغيتك

ياوهج روح مالها غير ذكراك
من داخل احساسي تراني رجيتك

إرحم خفوق جاك من خاطري جاك
للي سطى بين الحنايا هديتك

في غربتك مشتاق وأغليك وأهواك
لو حالت أبعاد الدول ضيم جيتك

أنتي غريبه ساكنه وسط مرباك
وأنا غريب في حياتي دعيتك

إخذ يمين اللي رجاك و تمناك
خذني عن أحزان الوطن لا نصيتك

خذني بعيد و سافر بروح تفداك
و لا تسأل دموعي علامي بكيتك

© 2024 - موقع الشعر