الشيخ خليفه بن زايد

ياسمو الشيخ ابن زايد خليفه
ياسمو المجد ياراع المعالي

يادليل الخير للعين الكفيفه
وياولي(ن)لليتيم وخير والي

جيت يمك نقتسم روحي نصيفه
نقتسمها دامها هي راس مالي

انت زايد واللقب يبقى خليفه
القمر واحد على كثر الليالي

تتفق في حبك قلوب(ن)لفيفه
وانت من غير المحبه شيخ غالي

شيخ دار(ن)مارضى تبقى وصيفه
شيخ(ن) اولى بالمراتب كل عالي

بالشجاعه كن منطوقك قذيفه
وطيبك اللي عم الاقصى والموالي

تقضي الحاجه عن النفس العفيفه
وتمسح دموع(ن)شكت من ضيق مالي

دام عزك للعلم..يبطي رفيفه
والله ليبطي بحرنا منك حالي

اسأل المولى يسلمك الصحيفه
في يمينك من ذنوب الناس خالي

قلتها شاعر يعاني من خريفه
واعشبت من ذكرك وزاد اشتعالي

دام دارك للمعزه مستضيفه
مابقى شي(ن) نقول انه خيالي

صفحة(ن) بيضا عليها اسمك نظيفه
تثبت التاريخ للرجل المثالي