هنا بوسط الجوف والقلب خيمه
اوتادها عشقي و موقدنا الاحساس
عمودها حب ومشاعر عظيمه
ورواقنا الامال والشوق محماس
يحمس مشاعرنا و يطرب نديمه
دق النجردقة محبه و نوماس
ياما سهرنا والموده صميمه
تنير عتمتنا ونسمر بلا نعاس
اجلس وابين لِك جروحي السقيمه
وانتي تداويني بحبه على الراس
اقول انا مرضان وانتي كريمه
زيدي علاجي يابعد كل هناس
سيلي حنانك بالاراضي العقيمه
كوني بقلبي فرحتن تنزع الياس
كوني لقلبي مثل ام(ن) رحيمه
ماتجرح الخاطر وتعشق بلا قياس
شيلي هموم العمر وسجون ظيمه
خليني في رسمة هنا وسط كراس
قيمي منابر هل عذاب وجحيمه
من صدري اللي كل موضع به اتعاس
غني على لحن الحيات ونعيمه
سوي بقلبي مهرجانات واعراس
انا الاراضي الممحله تحت غيمه
انا فقيرن وانتي قطعه من ألماس
انتي بقلبي شي مقدر اسيمه
شين ثمينن غالين مثل الأنفاس
انتي صبا دار الشمالي وديمه
تمطر على فيض المحبه والاطعاس
في نظرتك نظره لقلبي رحيمه
ونظره على قلبي مثل طيحت الفاس
راحت يدينك للمعنا اليمه
لامن يصافح ينضرب داخله ماس
الوجه دانه في بحورن عتيمه
غديتي للي ضيع الدرب نبراس
شفايفك لامن تلامس ظليمه
تكوي خفوقي كويتن تلسع الراس
الخد خجلانن بحمره مديمه
والرمش سيافن ووطت له الناس
الحب مالكني وصرتي مقيمه
في وسط دارن مابها غيرك اجناس
اكره بعادك مثل كره الهزيمه
ومثل المطوع لاسمع دقت الكاس
نفسي اموت وداخلي بس غيمه
تروي خفوقي بالموده والاحساس

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر - بواسطة شركة المبرمجين