يافهد والخاطر اللي ضاق من شي(ن)حصله
استوت عنده مواريد الدهر والا صدوره
مثل الاعمى شوفني قام يتخبط في محله
لا صديق(ن)تستدل برايته والا بشوره
كان سجلت الشريط بخاطري نويت افله
الشريط اللي حفظته من زمن(ن)صوت(ن)وصوره
يوم ضحكتها خذتني قامت لقلبي تتله
ابتدا عندي شريط العشق ياخذ فيْ دوره
اثرني عطشان وادور لحلقي وش يبله
مالقيت الا السراب اللي تكون في حظوره
قلت ابرويبه ضماي وبعشقه يمكن لعله
يقدر يبدد ظلام(ن)داخل بقلبي بنوره
وصرت منديل(ن)لدمعة عينها لاجت تهله
وحسستني في نفسها ريح باريس وعطوره
قالت ابغا نص قلبك..قلت لايفداك كله
وصرت ادور لخطاها عذر لو ماهي معذوره
اثرها لغز(ن)تكون داخلي ياصعب حله
شفتها وقت الرخا ولاشفتها وقت الضروره
لعنبو عشق(ن)يعزه صاحبه باللي تذله
ماكفى ظلم الزمن..قامت معه في صف جوره
لايمي في الحب يبلى..وان ضحك من زود غله
ماشرهت وشرهتي والله ماتقدر تزوره
يافهد هذي سوالف خاطري واللي حصله
استوى عندي بها شوك الزمن والا زهوره

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر