يوصي ابنه بها - مطلق الدخنان

ياطلال اسمع بوصيك يومنك صغير
كلمةٍ من والدك خلها دايم معاك

افتهم من واحدٍ صار بالدنيا خبير
اخذ مايامرك به واجتنب ليا نهاك

خلها مرجع ليا صرت رجالٍ كبير
ترفعك صوب المعالي وترفع مستواك

خل دين الله بقلبك ووجدانك خشير
واحتفظ في خمسة فروض ربك لاعطاك

واحترم جارك وحافظ على حق القصير
وغظ عينك لاتطالع لحرمات قصراك

خل مبداك التواضع ولو تصبح وزير
كان تبغى الكل يغليك ويدور رضاك

والحذر وسط المجالس يجي هرجك كثير
لجتك وسط المجالس تقلل من حلاك

واعرف ان الهرج نقله ترى مافيه خير
من هرج بالناس عندك ترى دق بقفاك

ياوردت اشرب من الماي كان انه غدير
كان شفت ان الماي مشروك خلك في ظماك

وخلك ان سافرت لبلاد لبلادك سفير
لاتخلي الناس ترجع تسولف في خطاك

ولا بغيت اتكمل الدين شف رجلٍ بصير
دور الي مثل خالك يجي مثله نماك

تمت وصاتي وخذها عسى دربك سفير
وفالختام اطلب من الله على الخير يهداك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر