ياوالله اللي شباني يافهد حبه
غروٍ غريرٍ غزاني وخافقي تله
ريمٍ جفل ثم وقف شوفه يصبه
احسبه يمي وقلت الليله ذي فله
وقفني مثل الألف خلاني في غبه
حاير وكني كسيرٍ عنزه ظله
والقلب كنه ثريا تومي بقبه
بين الحنايا تمرجح خفقته عجله
واقفا يصفصف حرير النسمه تكبه
شلال كنه تحنا بالشفق هله
لا اهتز احسبه طمر صوّت له هبه
اثره من اللين كنه يلعب الحبله
ماكنه إلا غصن يهتز من رطبه
الوارف اللي تهزع من ثقل حمله
والفم كنه يعزف الناي من قطبه
كنه يبوس الهوا يعطي الحكي قبله
لين وقسا لا ذكرته صابني خبه
وافز كنه دباني شي بسم الله
الموت لا صار داء القلب هو طبه
واجهله واجهل دروبه منهو ايدله
يالله عسى حب شاعر يلعب بعبه
كانه لعب في خفوقي لعبت السبله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.