قلب(ن)عزيز. لـ فهد عوض المشرافي

قلب(ن)عزيز - فهد عوض المشرافي

لا تمد لي بوزك تراني تضايقت
مستحمل اشوف الزعل في عيونك

شكلك كذا يوحي مكنك لي اشتقت
وانته علي اليوم مخفي سنونك

يرضيك تتركني بعد ما تعلقت
بالضحكه اللي تطرح الطير دونك

ياروح روحي ليتك اليوم ماضقت
ولا شفت فيك اللي يكدر ضنونك

من ضيقتك ضاقت عليه ولا رقت
كني اسير وحاصره وسط كونك

أدخلتني في سجن حبك وطوقت
قلب(ن)عزيز و حالف(ن)ما يخونك

ودي اموت الحين وسابق الوقت
من شان ترحمني وتنسى جنونك

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.