مجد بلاسيف - سلطان بن سحيم

يا عزائي فيك يا القلب الوجيع
مانفعني الشعر في سوق الادب

بعدما كنا على النجم الرفيع
صار مجلسنا على كور الذنب

وين خالد صاحب القلب الشجيع
وين طارق وين سادات العرب

وابو الطيب بح صوته في البديع
ينظم الاشعار في دولة حلب

كل يوم هزنا صوت المذيع
حنا خير الناس في يوم الطلب

اللي مايتبع هدى الهادي الشفيع
بشرة بالخزي في نار اللهب

ضجت الشاشات بالصوت البديع
حملوها الورد حمالة حطب

بعد ما كنا شعب صرنا قطيع
والخواجة في السما صاروا شهب

ويش قصد البحتري جاك الربيع
الا جاك الموت في يوم الغضب

مجد ماله سيف لا بده يضيع
ما ينال النصر والله بالخطب

لو صار للمعتصم صوت الرضيع
والا صرخة شايب جته الكرب

كان صاغ الموت في يوم فظيع
تحرق الاصنام ناره والنصب

© 2024 - موقع الشعر