يازمن

لـ مرزوق الثبيتي، ، بواسطة غادة العلوي، في غير مُحدد

يازمن - مرزوق الثبيتي

يازمن خفف على قلب العنا صكاتك
كيف ترضى يازمن تفريق خل وخله

أشهد أني يازمن صابر على زلاتك
لين طول الصبر خلا في ضميري خلّه

واثقا"بك يازمن والغدر من عاداتك
مادريت انك تخون العهد لله.....لله

وعذاب القلب من هم بقلبي فاتك
كل ماجيت أتناسى صاحبي جا......حله

طير ياطير السعد ياللي على مشهاتك
وأهنيك ماعرفت الهم دقه.....جله

ودي أوصيك وأفهم وانتبه لوصاتك
ودي أوصيك لامريت خلي قله

صاحبك خيّم عليه الحزن من صداتك
وقله ان الطرف دمعه فوق خدي هله

الغلا والزين كله والحلا في ذاتك
حزت يالمجمول كل الملح عن خلق الله

نعنبو خيّرك يازينك وزين شفاتك
والكلام اللي يجي من بينهن ما مله

عينك اللي تذبح العشاق من نظراتك
كل مالديت عيني فيك قلت أسمله

ناعسات رمشهن غطّى على وجناتك
من سبايبهن مسامير الحشا منحله

وحدك اللي يوم أبرّق فيه مثل مرآتك
كني اللي حايز نجد المسمى كله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر