بوصيك يالي عني بتاخذها
بوصيك ماتكون معاها جلمود
ابيك تخلي السعاده بدربها
وابيك تفرش في دربها ورود
يشهد ربي كيف كنت احبها
حبي لها ماكان له حدود
من غيري كان بكلامه يدلعها
ماكنت في حبها حقود
حتى احلى الكلام اسمعها
ماكنت انتظر منها الردود
بس هذي وصيتي واحفظها
اليوم خذ راحتك تراني مب موجود
ابيك موت تحبها وتحسسها
ان في بعدي لها مافي شي مفقود
وان احلفت ابيك تصدقها
ترى هي صادقه وصدقها ماله حدود
خذها وفي قلبك سكنها
وقول لها أحمد راح ومستحيل يعود
وابيك في ذكراي تنسيها
اخترتك لاني اعرف انك قدها وقدود
لاتخونها وتحب احد غيرها
اعرفها اذا حبت حبها ماله حدود
ابيك تسكن في اراضيها
وابيك تخبرها عن حبك الموعود
حاول لاتزعلها او تبكيها
اذا بكت امسح الدمعه وهي فوق الخدود
وان ازعلت ابيك تراضيها
ولا تخليها حزينه وحالها مهدود
هذي وصيتي احفظها
ترى انت من كان بالوصيه وانت المقصود

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين