صــدر... شبرين ×شبر - احمد السكران

يامعلق ورودك على الصدر قدام
حصاد وردك شوكةٍ واغرست بي

غرس السنين الغبر بعيون الايتام
اللي سقت ريضانها واجدبت بي

خليتني عايش معك بس هندام
تصد ودموع الملام انتحت بي

والله ماكنك على دين الاسلام
بجروحك اللي ون غفيت انزفت بي

يالظلمه اللي ماكست حاف الاقدام
اللي كستني شمت يوم اضحكت بي

اقف ويطيح من الشجر غصن الاحلام
بوردوك اللي يوم طحت انتخت بي

وفزعت انشّد عبرةٍ في ثرى العام
يوم انت مقفي والسنين اغدرت بي

مدري عليك اللوم ولا للايام
ولا وداعك جمرةٍ ماطفت بي

راحت بي النخوه ونا اقول قدام
والقلب لو هو حي ماحركت بي

هالهاجس اللي ينتثر كل ماهام
اللي التفت بك ليه مايلتفت بي

لاقلت هذا مهجعي قال ياغلام
اعيش واطا جمرةٍ مادرت بي

ولاكني الا دفترٍ مل الاقلام
وكل الزوايا سولفت وش قرت بي

تقرا قصيدة طحت ياغصن الاحلام
احلام ماتت والغصون ارتوت بي

بالظلمة اللي ماكست حاف الاقدام
اللي حكت لايامها وش لقت بي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر