تعبت من الزمان وجيت من زود العنا برتاح
مثل غيري وطبع الادمي يبحث عن الراحه
تلاعبي زماني لعبة الشاعر مع المسباح
توارد له بنات الفكر لامن هز مسباحه
سواة التاجر اللي حط راس المال يبغى ارباح
ولكنه خسر جهده وراس المال وارباحه
او كما منهو طلع طيره وهده حزة المسراح
وحام الطير في اللجة والا يابعد مسراحه
وعدا المرقب العالي ينادي في يده ملواح
وبعد مايس من رجوعه رمى وكره وملواحه
ورجع يأئس ومستأئس ومن يأسه عليه وشاح
وانا ميئس مثل يأسه ويأسي لابس وشاحه
يقولون الهوى غدار سمه في الحشا ذباح
وانا اقول الليالي جات غداره وذباحه
تعبت من الزمان وجيت من زود العنا برتاح
نسيت ان الزمن كاتب عليه قلة الراحه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.