كيف تذبح غلانا وانت تبكي عليه
كيف تطلب فراقي وانت ودك لقاي
كيف تنكر غرامك وانت مجنون فيه
كيف تزعلني وغايتك دايم رضاي
كيف تحفى ووصلي ادري انك تبيه
وادري تموت حسرة لو تجرب جفاي
ودي اسمع اجابه للسؤال والوجيه
ليش تبغى تشب النار داخل حشاي
هل انا واحد(ن) يستاهل اللي يجيه
او انا من عداك ولا احسبك من عداي
ياسراب(ن) رجيته ولا زلت ارتجيه
مارويته ولكن ماذبحني ضماي
مثل ماقيل فيه نجوم ولا مافيه
مالي ومالها دام القمر في سماي
طيفك اللي يجيني كل يوم احتريه
هو سبايب سهر عيني وسبة عناي
كان قلبك فطين وكان عقلك نبيه
لا تغلى عليه ثم تخسر غلاي
صح مالك بهالدنيا حلي وشبيه
ولا انا شخص عادي مثل باقي ازملاي
بس عطني اجابه للسؤال الوجيه
ليش تبغى تشب النار داخل حشاي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.