برضيك

لـ احمد السكران، ، في غير مُحدد

برضيك - احمد السكران

برضيك ياكل الغلا لو كل يومٍ تزعلين
انتي حياتي والحياه بدون شوفك مظلمه

من شفت لك صوره وأنا ضايع وضيّعت اليقين
اصبّر الخفّاق لايترك خفوقي وارغمه

الله يفكك ياغرامي من عيون الحاسدين
العمر غالي بس لعيونك وربي لأعدمه

يارب يارب العباد انك تعين العاشقين
والعقل فالصبر ارتجيلك ياالهي تلهمه

يابنت عقب البارحه ماذقت نوم المسلمين
بس اتحلاّ صورتك ياللي لقلبي ملهمه

حبيبتي فرقاك نصف الثانيه عندي سنين
وان كان هي بالشعر والله ماتكفّي ملحمه

ياللي ملكتي كل شيٍ في حياتي يالحنين
تدلّعي وأحمد فداك وقولي الله يرحمه

طالبك حطّيني بقلبك صدق .. مانيب استهين
الله يعلم بالجروح وسامحي يامسلمه

يا أم العيون النجل واللي ضيّعت عقل الفطين
اول مااعرف الحب لكن .. صرت معك اترجمه

يازين شرطان الذهب فيهن قصيد احمد يزين
غطّى الكتوف انعم من الما جا من الله مكرمه

والا الشفايف ويش اقول الا عسى ربي يعين
كل العسل فيهن ومنهن وارحمي يامجرمه

والا الخدود اللي بهن تفاح مع خوخٍ وتين
عزاااه ياجور الغرام وكود فرقا المغرمه

الى هنا باقف .. واقول: لمهرتي باح الكنين
وهالحين دونك والله ان دنياي دايم مظلمه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر